Nilasap na Gaspang ng Mga Labi
Sana dama nila ang kaluskos ng aking mga yapak
Pati ang kasiyahang aking dulot sa kanilang anak
Sapagkat ramdam ko pa rin ang sikip at bigat ng
mga kadena
Ang hiringgilya sa aking lalamunan, ang hapdi
ng bubog sa mata
Pagkauwi ko galing eskwela, dumiretso agad ako
sa banyo. Positive, dalawang linya, paano na
ang hinaharap ko?
By Assumpta Gonzales
Sa ilalim ng tirik na araw, walang pangambang
pumalaot si Kiko nang umahon mula sa ilalim
ang isang malaking balyena't siya’y nilamon.
Wala nang buhay nang siya'y iluwal,
napagtanto nitong hindi pala siya
ang tunay na pakay.
By Pexcel John Bacon Bereber
Sinugod ang sansinukob, pagkahulog siyang
may sinunog. Tila bulak kung dumaplis,
lumulutang nang walang ganang lumihis.
By Carey Erwin Bayno
Para sa umiibig na babaeng manananggal,
malinaw sa kan'ya na ang pag-ibig ng
napupusuan niya ay hindi niya
makakamtan kailanman.
Kaya laking gulat niya nang dumating
ang kan'yang kaarawan at inabutan siya ng
kahon ng kan'yang ina, sabay sabi,
“Kainin mo ‘tong puso ng iniibig mo
para manatili na siya sa 'yo.”
By Jessica Mae Galicto
"Tama na, nagmamakaawa ako! Saklolo, tulungan
niyo ako!", paulit-ulit na hiyaw at hagulgol ng
aking kapatid sa kaniyang silid tuwing hatinggabi.
Binisita ko ang puntod niya para hilingin na
siya'y huminto na, ngunit hindi iyon nakatutulong
sapagkat ang karumaldumal na lihim ng
nakaraan ay hindi malilimutan.
By Maria Minerva Melendres
Comments