Namuong Paghihinagpis sa Pumatak na Luha
Nagkikinangang galak ay lapat sa kaniyang mukha
Hiniwa ng matalim na hibla, dinungisan ng pulang tinta
Itim na usok ay pumalibot nang kaniyang mahal ay pumalaot
Nilunod sa lawa ng pagdurusa, pagluluksa, takot at poot.
Lf: formal dress, L/XL (preferably white).
Susuotin po ng namayapa kong Nanay.
By Renz Gerald T. Romualdez
Bumalik sa aking alaala ang wika ng aking guro
at ang pagpataw sa akin ng suspensyon.
Napagod akong isipin ang lahat kaya ipinikit ko
ang aking mata at dinama ang aking pag-alpas.
By Jamaica Elcano
Noong bata pa ako, ang paborito kong bahagi
ng mga kaarawan ay ang larong pabitin,
dahil ako ay laging nagwawagi sa dami
ng nakukuha kong laruan at kendi.
Subalit nagbago na ako ngayon,
dahil habang nakabitin ang leeg ng
aking kapatid sa kisame, wala akong
magawa kundi matulala sa kanya.
By Shawn Pangan
Pinagbuksan si tatay na namumutla
galing hospital at lumakad sa kusina.
Napatigil sa pagtititimpla ng kape
sa hagulhol ni bunso sa telepono
"Ate, wala na si tatay"
By Julia Manzano
Comments