Bilog sa kwaderno na ginuhit sa patlang
Nagbadyang dapat lang palitan, sapat lang na dapat pakinggan
Sa apat na gulong habang pinagmamasdan ang pag-ikot
Ng kalsadang tuwid daw ngunit lakad nama'y paatras
Huwad sa hinaharap
Sa timbangan ang salat ay nasa ibaba
Walang tumbas ang iyong bilang sa pundasyon ng lipunang masarap
Kalayaan bang sumaya kung obligadong dumapa
Pinilit na tigib ang siyang nag-lagas
Nasanay sa landas na kalsada'y sinisikot
Ang kalupitan ay isang kapus-palad na katotohanan ng pagiging tao,
Subalit lamangan ang sarili, huwag ang kapwa.
Probinsyanong taga-lungsod ang pilit na kinulong
Matapos sambitin ang hinanaing ng loob
Nang mangarap sa salamangka'y kumapit
Ninais ang kaginhawaang inisip sa loob ng trapiko
Pangarap ay lumisan;
Ang probinsyano'y nasawi
Kalayaan bang sumaya kung obligadong dumapa?
Sa panulat ni: Carey Erwin Bayno
Dibuho: Ana Mae Gonzales
Comments